قصص قصيرة

**صاحب المشروع**:
**Gorilla G.***:
**تفاصيل المشروع**:
السلام عليكم

أسعد الله أوقاتكم جميعا ( الرجاء قراءة التفاصيل )

مطلوب محتوى عن:
الخوارق

احداث او أماكن غامضة و مرعبة

غرائب و عجائب
- كل شي لازم يكون مبني على احداث حقيقية و بالمصادر
- على الاغلب كل الاشياء الي رح تلاقوها على الانترنت رح تكون بصيغة خبر او معلومة

المطلوب تحويلها لقصة كالاتي

مثلا:
في خبر منشور بجريدة نيويورك تايمز

عنوانه : 38 شاهدا على جريمة ولا واحد منهم اتدخل

وهو عن بنت اسمها كايتي كانت راجعة على بيتها و كان في واحد بلحق فيها و قتلها و الناس كانوا شايفين و ما حدا اتدخل بالموضوع

الان تم تحويله لقصة بعد قراءة تفاصيل الخبر كلالتي:
تخيل انك شفت حدا بلحق ببنت قدامك

شو رح تعمل ؟؟

بتاريخ 13-3-1964 كان في بنت اسمها كيتي جينوفيز Kitty Genoves من نيوورك

مروحة على البيت بنص الليل

وأثناء ما هي ماشية بالسيارة وقفت على اشارة حمرا

وانتبهت على سيارة صفت جنبها والشخص اللي فيها منظره مش مريح

ما اعطت الموضوع اهمية وكملت طريقها بشكل طبيعي

وبعد شوي لاحظت انه السيارة بتلحق فيها وين ما تروح

حاولت تركز بالطريق وتوصل لبيتها باسرع وقت ممكن

ولما وصلت ونزلت من السيارة

صف اللي كان يلحقها وركض لعندها وطعنها مرتين

صارت تصرخ وتطلب النجدة

وصحي على صوتها جارها روبرت

وبدل ما يتدخل صار يصرخ على القاتل ويحكيله اترك البنت وروح

المجرم انتبه انه الكل صحي وهرب

بس بعد شوي شاف انه ما في ولا حدا غلب حاله واتدخل

لثم حاله ورجع خلص عليها بالكامل

وضلت تنزف لحتى ماتت

وبعد الجريمة باسبوعين نشرت جريدة نيويورك تايمز مقال بعنوان

38 شاهد على جريمة ما حدا فيهم اتدخل

انسوا انهم مسكوا القاتل

بس شو بالنسبة انه كل الناس كانت تتفرج عليها وهي بتموت وما عملوا اشي؟؟

رح اتركلكم التعليق

الرجاء الرجاء الرجاء

ما حدا يرد على المشروع بانه قادر على العمل او لأ

خلي الرد قصة زي هيك انت كتبتها و زي ما حكينا لازم تكون مبنية على احداث حقيقية او مصادر موثوقة

و لو كانت مناسبة سيتم التواصل معك

القصة زي ما انتو شايفين عدد كلماتها 177 كلمة

وممكن تكون اقل

المبلغ الي بندفعه لكل قصة هو دولار وفي حال تم التعاقد مع شخص و كانت القصص الي بكتبها مناسبة دائما و احداثها قوية و بتشد رح ندفع دولارين بشكل دائم لكل قصة

شكرا

**المهارات المطلوبة**:

- كتابة المحتوى
- كتابة مقالات
- كتابة الأعمال
- كاتب محتوى
- كاتب
- كتابة محتوى

**أضف عرضك الآن**: